اداریہ
موت کہتے ہیں جس کو اے ساغرؔ
زندگی کی کوئی کَڑی ہوگی
جولائی کے مہینہ نے اردو ادب کو جو چند درخشاں ستارے بخشے ہیں ان میں سے ایک عظیم شاعر ساغر صدیقی ہیں النساء کا خصوصی گوشہ ان کے نام کیا گیا ہے۔۔ ساغر صدیقی ہمارے معاشرے کی ناقدری کی ایک زندہ مثال ہیں ۔ساغر کو بطور شاعر وہ پذیرائی تو نہیں ملی جس کے وہ حقدار تھے معاشرے نے بطور انسان بھی ان سے جینے کا حق چھین لیا اور یہ کرب ان کی شاعری کے ہر لفظ سے جھلکتا ہے۔
اس خصوصی گوشہ میں ہماری خواتین قلم کاروں نے ساغر کے حالات زندگی اور ان کے فن پر خوبصورتی سے اظہارِ خیال کیا ۔۔امید ہے جولائی اگست کی بارشوں میں ساغر صدیقی کے منتخب کلام سے مزین گوشہ اپ کے ادبی ذوق کی تسکین کا باعث ہوگا ۔
دَستکیں دے رہی ہے پلکوں پر
کوئی برسات کی جَھڑی ہوگی
تبسم حجازی
مدیرہ ــ’’جریدہ النسأ‘‘